مجال دراستي،، ومن بعدها شغلي ..
كان بعيد تماما عن الأطفال
لما بدأت أحس إني مش لاقية نفسي أوي في شغلي، بدأت أدور ممكن أنفع في ايه

البداية كانت دبلومة إعداد معلمات بمنهج المتدبر الصغير ل د. شريف طه يونس
اكتشفت إني بحب الأطفال وبحب أتواصل معاهم وبيفرحني مجرد وجودهم

ومن هنا بدأت الرحلة
بدأت دراستي للعلم الشرعي الحمدلله
واشتغلت في كذا مكان بفضل الله
وربنا فتح عليا بالاهتمام بالتربية واني اتعلم عنها اكتر
حضرت دورات مباشرة وسمعت دورات تعلم ذاتي وقرأت كتب
وآخر تجاربي كانت مع أكاديمية إشراقة ربنا من عليا وكنت معاهم في دورة صناعة المحتوى
الدورة بمحتواها رتبتلي أفكاري أكتر وساعدتني إني أقدر اعمل محتوى باحترافية اكتر وعلى أسس وقواعد مدروسة
لكن كمان على المستوى الإنساني .. ربنا من علينا كلنا وهدانا لبعض
فريق عمل ومقدمين للدورة
لا يبخلون أبدا بالدعم أو المساعدة في أي لحظة.
وبس :))
بعد الرحلة اللي مش طويلة في مدتها، لكن كبيرة في أحداثها
بفضل الله لقيت نفسي هنا ..
معلمة قرآن وعلوم شرعية للأطفال
بفكر جديد وطرق تقديم مختلفة
تقريب المفاهيم وتوصيلها بمتعة للطفل
واحسب إنه هذا فتح من ربنا عليا، وأسأل الله أن يتقبل مني سعيي خالصا لوجهه وأن يعينني على ما بدأت.

تقدروا تتابعوا الدورات اللي بقدمها على صفحة (تلين)
على التليجرام
https://t.me/taleen42

وعلى الفيس بوك
https://www.facebook.com/Taleen42